Facsimile view

Renuncia al oficio de escribanía

AutorGaspar Navarro
Fecha1573
LugarCanarias, Tenerife, San Cristóbal de La Laguna
Page 178r > 178v
Renunciacion En la noble çivdad de San Christoval ques en la ysla de Thenerife en veynte e seys dias del mes de dizienbre segundo dia de pascua del ano del nasçimiento de nuestro salvador Ihuchristo de mill e quinientos e setenta e tres años por presencia de mi Gaspar Nauarro escriuano publico vno de los del numero desta ysla de Thenerife por su magestad parecio presente Blas del Castillo escriuano publico del numero desta dicha ysla e dixo que por quanto el es tal escriuano publico desta dicha ysla por su magestad e a vzado y execido el dicho su ofiçio de tal escriuano publico hasta agora e porque agora esta enfermo e ynpedido e no puede vzar el dicho su ofiçio por tanto quel renunciava e renuncio el dicho su ofiçio de tal escriuano publico desta dicha ysla en Miguel Guerra vecino desta çivdad su sobrino por ser persona abil e suficiente y en quien concurren las calidades que para vzar el dicho ofiçio se requieren y pedia e pidio a su magestad le confirme el dicho ofiçio e le de su titulo real del e a los señores justicia y regimiento desta ysla que conforme al fuero que tiene le resçiban al vzo del dicho ofiçio la qual dicha renunçiasion hizo con rethençion en forma para que si su magestad no fuere servido de se lo confirmar e algun ynpedimento le pusiere que en tal caso no lo renunçiava ni renuncio e lo rethenia en si para vzar segun que lo a vzado e lo pidio por testimonio e lo firmo de su nombre

Text view • Wordcloud • Manuscript line view • Pageflow view